8.         آداغلار داشدی داغلار* سندن کیم آشدی داغلار*گوُزلریم یوخی توتدی*طرلانیم قاشدی داغلار.

9.         آراز اوسته بوز اوسته*کباب یانار کوُز اوسته* قوی منی ئلدورسونلر*بیر آلا گوُز قیز اوسته.

10.       آشیق سوزگون گوزلریم، غمدن اوزگون گوزلریم، گوزلدن دویا بیلمز، باخسا یوز گون گوزلریم

11.       آغلارام ئوزم اللاه*کور اولدی گوُزوم اللاه*ایل گلدی باشا چاتدی* بس ند دیر سوُزون اللاه.

12.       آغلایارلار گوللرلر*گوُز یاشینی سیلرلر*گئچن گونین قدرینی* گلن گونده بیلرلر.

13.       آیریلیغا داش آغلار* گوُزلریم قان یاش آغلار* یار یاردان آیریلاندا*آغلاسا یاواش آغلار.

14.       باکینین یئلی اسدی* صبری قراریم کسدی*ساغ گوُزوم سنه قوربان* سول گوُزومن منه بسدی.

15.       بویان باغچا اویان گلر*نه یاتمیسان اویان گل*ئوپوم خومار گوُزوندن*سن یوخودان اویان گل.

16.        پنجره دن داش گلیر*خمار گوُزدن یاش گلیر، سنسی منه وئرسه لر* اللاهادا خوش گلیر.

17.       چشمه باشیندا دورما* چشمه نی بولاندیرما* سنین کی گوُز آلتین وار* دئیب منی یاندیرما.

18.       خمارام گوُزلریندن*دویمادیم سوُزلریندن*بیلسیدیم آیریلیق وار* ئوپردیم گوُزلریندن.

19.       داغ باشین دولو گؤزلر. ساغ گئدن سولو گؤزلر. گونلر کئچر غربت ده. یار یاتماز یولو گؤزلر

20.       داغلار بیزیم داغلار*سیزه وار سوُزوم داغلار* آلا گوُزلی جیرانا* وورغونام ئوزوم داغلار.

21.       داغلار سنده گوُزوم وار*منده درده دوُزوم وار*دئیین یاریما گلسین* گیزلینده بیر سوزوم وار.

22.       داغلاردا ناشی دورماز*سئل گلر داشی دورماز*گوزلریم گوزلرینه* باغماسا یاشی دورماز.

23.       داغلارین لالاسینا. گؤزلرین قاراسینا. آنالار قوربان اولسون. اؤز کؤرپه بالاسینا .

24.       دَرد قَلَمی من دَدی . آتیمیشام چَمَن دَدی . جَملَشه مین گوزل . مَنیم گوزوم سَن دَدی

25.       دریا اوللام، بولاننام. سوجاق اوللام، سولاننام. ساغ گؤزوم سنه قوربان. سول گؤزومله دولاننام.

26.        دریا تکین بولاننام*داغی داشی دولاننام*ساغ گوُزوم سنه قربان*سول گوُزمله دولاننام.

27.       دست الندن آل اوخی*ال کمانا سال اوخی* گوُز یاشیله عرضه م وار*ئتیشه جاغین آل اوخی.

28.       دورما قاپب دالیندا* گوُزوم قالدی خالیندا* گئدیم آناما دئییم*گلیم قالیم یانیندا.

29.       ساوارالان قاردان دویماز*خسته لر ناردان دویماز*منیم بو آج گوُزلریم* باخدیقجا یاردان دویماز.

30.       سو گلر آخار، دویماز، داغ ـ داشی یاخار، دویماز. گؤزلریم یار گؤزونه، اؤلونجه باخار، دویماز

31.       شیمشک چاخیر گوُیلردن*قان یاش آخیر گوُزلردن*نه اولموش بار ایلاهی*الو قالخیر سوُزلردن.

32.       عاشق سوزگون گوُزلریم* غمدن اُزگون گوُزلریم* گوُزلدن دوُیا بیلمز*باخسا یوزگون گوُزلریم.

33.       عاشیغا دوشدی گوُزوم*کبابا دوشدی گوُزوم*باخدی یاری گوُرمه دی*گوُزومدن دوشدی گوُزل.

34.       عاشیغام خان گوُزلره*قیا باخان گوُزلره*گینه سورمه چکیبسن*ائولر ییخان گوُزلره.

35.       عاشیغام یار ایچردن*کس باغریم یار ایچردن*گوُزوم قاپیدا قالدی* چیخمادی یار ایچردن.

36.        عاشیق سوزگون گوُزلریم*غمدن اوزگون سوسزلریم* گوُزلدن ویا بیلمز* باخسا یوز گون گوُزلریم.

37.       عزیزم دوری گئدر*سو گلیب دوری گئدر*یار یولونا دباخماقدان*گوُ زومون نوری گئدر.

38.       عزیزم دوزه جیران*سورمه چک گوُزه جیران*قوخمورسان یاد اووچودان*چیخکیسان دوزه جیران.

39.       عزیزیم اودی گئچدی*قلیانین اودی گئچدی* گوُزون کور اولسون اووچی*ماراللار اودی گئچدی.

40.       عزیزیم آغلامازلار*گوللر آغلامازلار* غریبلیکده ئولنین* گوزلرین باغلامازلار.

41.       عزیزیم آیدین اولسون*آی دوغسون ایدین اولسون*ائشیدیم یارین گلیر* گوزلرین آیدین اولسون.

42.       عزیزیم بیزه گلسین*دئ عاشیق سوُزه گلسین*قورخورام چوخ دئسینلر* سئوگیلیم گوُزه گلسین.

43.       عزیزیم تازالانسین*اوت بیتسین تازالانسین*نه گوُزوم سنس گوُرسون* نه دردیم تازالانسین.

44.       عزیزیم چشمه  مندن*چای مندن چشمه مندن*یاد سوُزونه اینانیب*گوُز ئورتوب گئچمه مندن

45.       عزیزیم داشلی قالا* گوُرونور داشلی قالا*نئجه سن سالیم گئدیم* گوزلرون یاشلی قالا.

46.        عزیزیم دریادا* گمیم قالدی دریادا* آغلادیم گوُزشیمدان*جوش دی داشدی دریادا.

47.       عزیزیم دولان گوُزوم*یادوُن یا دولان گوُزوم*آغلاماسین نئله سین*یاردان یاد اولان گوُزوم.

48.       عزیزیم ساری باغلار*دورنالار ساری باغلار* گوُزلریم گوُزلرینی*یادینا سالیب آغلار.

49.       عزیزیم سولی گوُزلر* سنده کی دولی گوُزلر* عاشیق هجران چوُلونده*اوتوروب یولی گوُزلر.

50.       عزیزیم سیزه گللم*سورمه تک گوُزه گللم*یوز ایل غربته دوشسم* قورتولسام سیزه گللم.

51.       عزیزیم گولن اولسا*گوُز یاشین سیلن اولسا* جوانلیق یاخشی شئی دیر* قدرینی بیلن اولسا.

52.       عزیزیم ناقارای*چالینان ناغارادی*ئوزون بیر آغجا مایا*گوُزلرین نه قارادی.

53.       عزیزیه م سالماسا*خوی دان گئدر سالماسا*بنده، بندیه نئیلر*تاری گوزدن سالماسا.

54.       عزیزیه م سوزی خوش*کمالی خوش ئوزی خوش*آلدی گوُزوم شوقینی*خمار باخان گوُزی خوش.

55.       عزیزیه م هرآی گل*هر هفته گل هر آی گل*گوُزوم یوللاردا قالدی*چاغیریرام هرای گل.

56.        عزیزیه م یار یاتماز*گوُزونه یوخو چاتماز*بیر تیکه دوز-چوُرگی*ایگیت یاددان چیخاتماز

57.       غریب چکرآه آغلار*گاه سئوینر گاه آغلار* سندن آیری گوُزلریم* دورار هرصاباح آغلار.

58.       قارا باغدا تالان وار*منی درده سالان وار*گئدیرسن تئز قاییت گل*گوُزی یولدا قالان وار.

59.       قارداش گل آی قارداش گل*قارلی داغلاری آش گل*غربت ائلده کیمسه م یوخ*توکر گوُزوم قان یاش گل.

60.        قاریاغار دولو یاغار*یاغیلار یولو باغلار* یار یادیما دوشنده* گوُزلریم دولوب آغلار.

61.        قرنفیل قوتودادی، خومار گوًز یوخودادی. غم یئمه غمخوار گوًیلوم، مطلب وئرن خودادی.

62.        قوو توکندی چاخماغدان*سو دایاندی آخماقدان*گوُزلریمه قان دامدی*یوللارینا باخماقدان

63.        قیزیل گول دسته دسته* بولبول قونارگول اوسته* بوردا بیر قیز سئومیشه م* آلا گوُز بویی بسته

64.        قیزیل گول کوْلدا قالدێ. درمه‌دیم کوْلدا قالدێ. دۆشمه‌ن ائوین یخیلسین. گؤزله‌ریم یوْلدا قالدێ

65.        کبابی کوز ئولدورر*سورمه نی گوُز ئولدورر*ایگیدی قلینج کسمه ز* طعنه لی سوُز ئولدورر.

66.        کؤینه‌گیوی یومارام. ایسلاتمارام،یومارام. بوْش یئریوی گؤره‌نده. گؤزله‌ریمی یومارام

67.        گل منی بنده آتما*خوی دان مرنده آتما*هامی اوز دوندریب دیر،رحم ائله سن ده آتما.

68.        گنجه نین داغینا باخ*سُولونا-ساغینا باخ* دردیمه اینانمیرسان* گوُزومون آغینا باخ.

69.        گوزلری قارا گوزه ل. دونیادا آنا گوزه ل. دونیا غمین چوخ گؤروب. اوره گی یارا گوزه ل

70.       گوُزلریم آخدی سنه*آخدیقجا باخدی سنه*من سنی قیبله بیلدیم*قیلدیم بئش واختی سنه.

71.       گوُزلرین قاراسیندان*یول سالیم آراسندان*سن منه بیر بوسه وئر* آشنالیق باراسندان.

72.       گون دولانارآی گئدر*بولود تای –با تای گئدر* گوُزون یوموب اوخ آتما* الدن چیخار یای گئدر.

73.       گوُی اوزی دامار0دامار*گوُیدن یئره نور دامار*اوستادا کج باخانین* گوُزلرینه قان دامار.

74.       گؤزلرین یوم اوشاغیم. اَل لری یوموشاغیم. آییم گونوم اولدوزوم. یات منیم گوی قورشاغیم

75.       گؤزۆم قالدێ یوْلۇندا. قان دۇردو ساغ–سوْلوندا. بالا آنان اؤله‌یدی. یارا واردیر قوْلوندا

76.        گئتسن قیامت قوپار*گئتمه من ده آپار* آپارماسان گوُز یاشیم* آختارار سنی تاپار.

77.       گئدیرسن هارا دلبر*قاش گوُزی قارا دلبر*رحمتین گلسین گل ائله*دردیمه چارا دلبر

78.       گئدیرم ارض روما،دُزرم هر ظولما*یازارام  گوُز یاشیملا* گوُندرم عرضه روما.

79.       لای لای ارکین قـالاسی. یــات قهــرمان بالاسی. یئنه شئهــدن دولوبدور. گؤزلـرین پیــالاسـی

80.       لای لای آهـو گـؤز بالام. لای لای شیرین سؤز بالام. گــؤزل لیكده دونیـــادا. تكدی منیــم اؤز بــالام

81.       لای لای دئدیم یاتینجـا. گـؤزله ره م اویانینجــا. زارا آمـانا گلـدیم .سن حاصیلا چاتینجـا

82.       من عاشق تیکان گوله*سارماشیب تیکان گوله*فلک گوُزونی تیکیب*من گوُزوم تیکه ن گوله.

83.       من عاشق گوُزلرینه*قوی باخیم گوُزلرینه* جانیم جانینا قربان* گوُزلریم گوُزلرینه.

84.       من عاشیغام آغ داملار*آغ اوتاقلار آغ داملار*یاری بیر گون گوُرمه سم* گوُزلریم آغ داملار.

85.       من عاشیق بالا جانیم*حسرتده قالا جانیم*یارین آلا گوُزلری* ایسته ییر آلا جانیم.

86.        من عاشیق گوُزده قارا* چک سرمه گوزده قارا* یار یولون گوُزلمکدن* قالمادی گوُزده قارا.

87.       من عاشیق گول انباری*گول اکدیم گول انباری*هیجران قویماز گوُز آچام* درد قویماز گولم باری.

88.       من عاشیق گون باتانا*آی گئدر گون باتان* گوزله ییرم یولونو*دولان گل گون باتانا.

89.       من عاشیق نه گوُزلرسن* گوُزلریم نه گوُزلرسن* او یار سنی گوُزله مز* سن اونی نه گوزلرسن.

90.       واریمدی سوُزوم سنه* دوشوبدی گوُزوم سنه* پولوم یوخ قربان آلام* قوربانام ئوزوم سنه.

91.       وفالینی وار اولسون* بیوفانی خوار اولسون*ای کاش بو گلن قوناق*آلا گوُزلی یار اولسون.

92.       وقالا داشلی قارا*یوللاری داشلی قالا* قورخورام دوشم ئولم* یار گوُزی یاشلی قالا.

93.       یاز منه باخدی گئتدی*قلبیمی  یاخدی گئتدی* آغلاماقدان گوِز یاشیم* سئل کیمی آخدی گئتدی.

94.       یتیشدی قیش گوزلیم. چولدن ییغیش گوزه لیم. بیلمم ندن کوسموسن. بسدی باریش گوزه لیم

95.       یول اوسته باخچا نانه*باغ نانا باغچا نانه*عمر حسترلی گوُزوم* دویونجا باخ جانانه.

96.        یولارین باشی ایله*اوستونون داشی ایله*سنه بیر کاغاذ یازدیم*گوُزمون یاش ایله.